Gigy Money: Wema Sepetu ni Mwanamke Feki (Video)

Leo Septemba Mosi Mahakama ya Juu nchini Kenya imetoa huku ya kesi ya uchaguzi iliyokuwa imefunguliwa na Muungano wa NASA kupinga matokeo yaliyompa ushindi Rais Uhuru Kenyatta kwa madai kuwa uchaguzi huo ulikumbwa na kasoro nyingi.

Akisoma hukumu hiyo Jaji Mkuu David Maraga alisema kuwa uchaguzi uliompa ushindi Kenyatta haukuea huru na haki hivyo ushindi wa Kenyatta sio halali.

Kufuatia uamuzi huo, Mahamakama Kuu imeiamuru Tume ya Uchaguzi ya Kenya (IEBC) kuendesha uchaguzi mpya ndani ya siku 60 kuanzia leo na kila chama kitumie gharama zake chenyewe.

Kufuatia ushindi huo kwa Muungano wa NASA uliokuwa ukiwakilishwa na Raila Odinga, wafuasi wao wameonekana viunga mbalimbali vya miji nchini humo wakifurahia maamuzi ya Mahakama.

Maamuzi ya mahakama ya kubatilisha uchaguzi huo yamekuja wakati waangalizi wa kimataifa waliokuwa katika uchaguzi wa Kenya walisema kwamba ulikuwa wa uhuru na haki na watu mbalimbali wakiwamo wafungwa na wagonjwa walipata nafasi ya kupiga kura.