Gigy Money: Wema Sepetu ni Mwanamke Feki (Video)

‘Hakuna tofauti yoyote kati ya “mtu wa kawaida” awe Mmarekani au Mrusi; watu wenye akili timamu wapo sawa tu, popote pale duniani.’

Na Sergei Elkin, mchoraji wa katuni za kisiasa

Wanasiasa wana washauri , waandishi wa hotubana wataalamu mbalimbali wanaowashauri katika masuala ya kisera, ila sio kazi ya mchora katuni za kisiasa, kazi ninayoifanya tangu mwaka 1999. Mamia ya raia wa Urusi na wasomi wa iliyokuwa jumuia ya Soviet wapo nchini Marekani ambao wanaweza kutoa ushauri mzuri tu kuhusu swala nitakalosema.

Nimekuwa katika tasnia hii kwa miaka 17 sasa – nashindwa hata kujitoa, nimenasa. Nilitamani sana kusoma sayansi ya siasa ‘Political Science’ lakini sasa imekuwa kama ni kitu cha asili kwangu kutokana na kazi ninayoifanya.

Nikiongea kutokana na uzoefu wangu, nina marafiki wengi sana ambao wameamua kutofanya kazi ya kukejeli siasa na wanasiasa kwa sasa ambapo vyanzo vingi vya habari vimezidisha woga wa kukosoa – au hata kuwacheka wanasiasa, kitendo kinachosababisha fursa chache kwa sisi tuliobaki.

Miezi kadhaa iliyopita nilikuwa nabishana na wenzangu. Nilishaona uwezekano wa Donald Trump kushinda urais. Naamini katika nadharia ya kihistoria ya “pendulum” – kwenda mbele na nyuma. Nilidhani kuwa baada ya mihula miwili ya utawala wa Rais aliyetoka chama cha Democrat, sasa ni zamu ya Republican.

Utungaji wa sera utakuwa ni ule ule uliokuwa katika utawala wa Ronald Reagan wa Bush [baba mtu na mtoto wake].

Tulipo sasa, wawindaji wapo madarakani. Nadhani sera za nje za kibabe ambazo Marekani imekuwa ikizitumia katika nchi za Mashariki ya Kati na iliyokuwa Yugoslavia zimefanya Warusi wengi sana kuichukia Marekani.

Katuni: Rais Putin akimuamuru kinyozi wake kumtengeneza nywele afanane na Trump

Nadhani ni muhimu sasa kwa Rais Vladimir Putin kuweka mazingira ya kuboresha mahusiano na viongozi wa Magharibi bila kuona aibu yoyote, na labda Donald Trump analeta fursa hii.

Nadhani Rais anatakiwa awe na hisia sahihi akiwa anachagua watu wake, kujenga timu ya wataalamu watakaofanya kazi zao kwa ufasaha kabisa. Anatakiwa kuwa makini zaidi anapochagua washauri wake.

Donald Trump anatakiwa kuachana na siasa za wengi ambazo ni za kinafiki na awe mhalisia. Unafiki huu utamdhuru tu akishaanza kazi ya urais.

Katuni ya Elkin inayonesha Trump akibeza siasa za Obama

Kiujumla, naamini mambo yatakuwa sawa. Hakuna tofauti yoyote kati ya “mtu wa kawaida” awe Mmarekani au Mrusi; watu wenye akili timamu wapo sawa tu, popote duniani. Naamini tukiheshimiana itasaidia wote kufaidika.