Shirikisho la Soka Afrika (CAF) usiku wa kuamkia leo limetoa tuzo kwa wachezaji, timu na waamuzi waliofanya vizuri katika sekta hiyo kwa mwaka 2016.
Hafla hiyo iliyofanyikia nchini Nigeria ilihudhuriwa na viongozi mbalimbali wa soka lakini pia ikiwa imepambwa na burudani kutoka kwa wasanii mbalimbali akiwe Diamond Platnumz na Rayvanny kutoka nchini Tanzania.
Wachezaji na timu mbalimbali zilitajwa kuwania tuzo katika vipengle mbalimbali, lakini hapa chini ni orodha ya washindi kutoka katika vipendele hivyo.
1. Tuzo ya Timu Bora ya Taifa ya Wanawake ilikwenda kwa timu ya Nigeria, Super Falcons baada ya kutwaa kombe la AFCON kwa mara ya 8.
2. Tuzo ya Klabu Bora ilinyakuliwa na Mamelodi Sundowns F.C kutoka Afrika Kusini baada ya kutwaa kombe la Klabu Bingwa Afrika.
3. Tuzo ya ‘Most Promising Talent’ ilikwenda kwa Kelechi Iheanacho kutoka Nigeria anayeichezea Man City.
4. Kocha Bora wa Mwaka 2016 ni Pitso Mosimane kutoka Afrika Kusini.
5. Mchezaji Bora wa Kike ni Asisat Oshoala kutoka Nigeria anayekipiga katika klabu ya wanawake ya Arsenal.
6. Mwamuzi Bora ni Bakary Papa Gassama kutoka nchini Gambia
7. Mchezaji Bora wa Afrika kwa Wachezaji wa Ndani ni Denis Onyango kutoka Uganda na klabu ya Mamelodi Sundowns.
8. Mchezaji Bora wa Afrika ni Riyad Mahrez kutoka Algeria anayekipiga na klabu ya Leicester City ya Uingereza.
9. Timu Bora ya Taifa ya Wanaume ni timu ya taifa ya Uganda, The Cranes.
10. Kikosi Bora cha Mwaka 2016
Post a Comment
Post a Comment